رئيس قسم الشؤون الداخلية بعمالة صفرو خلال حواره مع المواطنين اللي جاو يتشكاو على الماء .

رشيد كداح

عندو حس تواصلي ، قالهوم عندنا إلتزامات و لاكين المشكل ديال الماء أهم وخاص الناس فهاد الشهراين تشرب الماء مايمكنشي مانوقفوش على هادشي .

بعدما سمع لتدخلات الحاضرين اللي فسح ليهم المجال واللي كان حاضر من بينهم ممثل السلطة قائد القيادة وفعاليات جمعوية اللي جات كتشكي على إكراهات تدبير المرفق د الماء .

كانت الإجابة ديالوا واضحة بعدما إطلع على المشكل د الماء فصنهاجة وبوخرفان من جميع الجوانب ، عطا مقاربة قانونية محضة وناقش الإختصاصات المرتبطة بكل مؤسسة ومفعولية الإتفاقيات الشراكات الإلتزامات و البنود و كل حاجة على حدا ، منها الجماعات الترابية وإختصاصاتها وشنو خاصها دير والدور د المنتخبين و كذا قانون الجمعيات والإطار المنظم لهاد الجمعيات اللي كتسير ، و تعاطي وزارة الداخلية مع الملفات من خلال السلطة الرقابية والتتبع ديالها من أجل إستمرارية المرفق و الحفاظ عليه ، و كدا توجيه شكايات المواطنين فالمنحى السليم باش كل واحد يتحمل مسؤوليتو وكل واحد يعرف ما له وما عليه وشار لمفتشية وزارة الداخلية وتقارير المجلس الأعلى للحسابات والدور ديالها .

وركز بزاف على أن ” التنمية ” د المنطقة هيا الأهم والمشاريع خاصها تخرج للوجود ،حيث أكد فاللقاء أن القانون فوق الجميع وأحنا ملي كنتفاعلو مع الإشكالية راه كنديرو مايلزم ونتخد المتعين في الواقعة وفق إختصاصاتنا .