رشيد كداح
الملعب ملك للجماعة وأنا كنصهر على تطبيق القانون و مذكرات وزارة الداخلية واضحة فهاد الصدد و حتا التقارير ديال المفتشية د الداخلية و التقارير د المجلس الأعلى للحسابات ، والقانون كيمنع وضع رهن اشارة عقار جماعي لجمعية لا تمتلك الصبغة ديال المنفعة العامة و الملعب يستافد منو الجميع دون امتيازات على حساب الاخرين و انا ضد ان الملعب يستغلوه جمعيات في انشطة ربحية !
أحنا بغينا نهيكلو ونصلحو ويكون ملعب اللي يستافد منوا الجميع وبالقانون ، راه بحال الفرق د الأحياء بحال الفرق اللي مكلاسية ماعندناش الفرق و الجميع بغيناه يستافد والرياضة للجميع ، ولاكين كاين دفتر التحملات بغينا نوقفوا عليه وتعاونونا نطبقوه .
بالنسبة للجمعيات والتراخيص راه عندها مسطرة قانونية وكتخضع لشروط والجماعة راه شريك رئيسي فعملية التدبير المعقلن المحكمة ، راه غانسدو الملعب وغانفتحوا الباب للجميع ببرنامج اللي غايكون فصالح الجميع وماغايقصي تا واحد ها علاش .
Comments
0