اشمن خبار عندنا مع طاجين الغداء ….. كيفاش قصة ولد شي حاجة حرشة في بوسكورة لي خدام كاتب عمومي و تيضرب لافيرات هو وواحد الموظف في ملحقة رمل الهلال في بوسكورة. ؟

بقلم مول الحكمة.

كلامنا ليوم مختلف على جميع الأساليب الحوارية لي هضرنا فيها على بوسكورة ليوم البطل ديال قصتنا واحد الكاتب عمومي لي خدام هو وواحد الشخص في مصلحة المصادقة على الوثائق الإدارية يعني “تيكاليزي الضواسة ”
بالملحقة ديال رمل الهلال ولكن انا ضواسا هذا هو السؤال ولكن الجواب رآه بسيط جدا ضواسا ديال بقع البناء العشوائي لي تيكتبها ولد شي حاجة تتحك وطبعا الموظف لي في المقاطعة تيكمل الإجراءات من بعد تنشوفوا براكة ناضت بحال النخلة بين عشية وضحاها وطبعا كلش بمباركة السلطة المحلية لي واكلة شاربة في هاد لافيرات .
انا كلامي قتلوا وانتما ديروا بحت في هاد الملف لي ريحتو عطات في بوسكورة في منظومة إدارية لي كلها فساد ورشورة بتعليمات مباشرة من كبيرهم الذي علمهم السحر.
هادي فهامتي وهدا جهدي عليك أولاد بوسكورة الأحرار.
فعلا بغينا تدخل لأن هادشي بزاف وبوسكورة رآها غاديا في الهوية إلى مانضوش هاد المسؤولين.
ملحوظة الصورة لي في المقال تعبير مبسط لحقيقة الاوضاع في بوسكورة لي خادوا فيها كلشي ودارو ميسة.
يتبع. …