رشيد كداح
جل الفعاليات الرياضية فالمدينة متبعين خطوات الوداد الرياضي الصفريوي ، ملي بدا الفريق هاد الموسم .
بعد ما جابو التعادل مع فريق علم طنجة فالمقابلة السابقة كانت نتيجة اليوم مع الاتحاد الرياضي الشفشاوني هي خسارة ب إصابة لصفر .
فين كاين الخلل ؟ فين هوا الموشكيل ؟
_ ياك تم تغيير المكتب مؤخرا بعد جمع عام ، و تم إختيار لاعبين عندهم حس رياضي ، و مسألة التدبير والتسيير ديال الفرقة وقع فيها _ تغيير _ بانت وجوه جديدة فالساحة الرياضية ، وكذلك دخول SPONSOR مع الفرقة اللي هوا شركة SANFORD ؟
هي فعلا تعتبر ” بداية ” وبالضرورة غاتكون صعيبة باش نكونو منصفين خصوصا فهاد الظرفية ومع هاد العوامل اللي مرتبطة بالأرضية ، التحكيم الإصابات ، الإنسجام ، التخطيط ، التنسيق و جملة التدابير والإجراءات .
وبما أن الوداد الرياضي الصفريوي كيحتل القسم الوطني الثاني هواة أنا كولد المدينة علاش لا مانشوفوشي مستقبلا هاد الفرقة بحال كبار الفرق المغربية الرجاء و الوداد وتكون عندنا الصدارة نحتلواها فالمراتب د البطولة .
Comments
0