سكوب …. حملات أمنية تفتقد إلى الفعالية من طرف مصالح الدرك الملكي بمنطقة بوسكورة فمن المسؤول؟

بقلم مول الحكمة .

هاد العشية حكاية ممفهوماش الأبطال ديالها هاد المرة عناصر الدرك الملكي ديال بوسكورة لي دارو حملة اعتقالات واسعة البارح في عدد ديال المقاهي المشبوهة بالمنطقة للبحث عن مروجي المخدرات والشفارة وهي الحملة لي كان كلشي طلبها ولكن الحاجة لي أنا مفهمتهاش مع مجموعة ديال المواطنين من ساكنة المنطقة أن هادوك لي تم الاعتقال ديالهم كلهم تم الإفراج عليهم دون سابق إنذار هنا دخلنا الشك وبغينا نسولوا هاد الناس ماالهدف من هاد الحملات الأمنية العقيمة .وأش غادي تبقا بوسكورة ديما ضعيفة أمنيا .وعباد الله تتكرسا كل دقيقة من طرف باردين الكتاف قصص كثيرة وأجوبة غائبة والقضية اكيد فيها إن وأخواتها تحت إشراف الأمين العام لسماسرة المنطقة فكاك الوحيل تحت شعار مد امولاي أحمد والزرقلاف كتحل الأبواب المسدودة.
انا قلت كلامي وانتما راكم حاضرين لهاد السيناريو.
هادي فهامتي وهدا جهدي عليكم أولاد بوسكورة الأحرار.
يتبع….